ИННОВАЦИЯЛЫҚ ҮДЕРІСТЕРДІ БАСҚАРУ ЖҮЙЕСІН ЖЕТІЛДІРУ«ПЕТРОҚАЗАҚСТАН ОЙЛ ПРОДАКТС» ЖШС МЫСАЛЫНДА
DOI:
https://doi.org/10.54251/2522-4026.2025.4.49auКілт сөздер:
инновация, өндіріс, цифрландыру, Digital Twin, жоба, басқару, жаңғырту, «ПетроҚазақстан Ойл Продактс» ЖШСАңдатпа
Мақалада мұнай өңдеу секторындағы өнеркәсіптік кәсіпорын – «ПетроҚазақстан Ойл Продактс» ЖШС-де инновациялық үдерістерді басқару жүйесін жетілдірудің теориялық және практикалық аспектілері қарастырылады. Инновациялардың цифрландыру жағдайында және экологиялық талаптардың күшеюі аясында мұнай өңдеу зауытының бәсекеге қабілеттілігін арттыру мен тиімділігін жоғарылатудағы негізгі фактор ретіндегі рөлі анықталды. Қолданыстағы инновацияларды басқару жүйесін талдау нәтижесінде келесі шектеулер айқындалды: жобаларды орталықтандырылған басқарудың болмауы, процестердің жеткіліксіз цифрландырылуы, деректерді талдау және болжамдық моделдеу құралдарын интеграциялаудың төмен деңгейі. Инновациялық қызметті жаңғыртудың ұсынылған моделі Innovation Office құрылуын, жобаларды басқарудың цифрлық платформасын енгізуді және өндірістік процестерді жаңғырту үшін Digital Twin технологиясын қолдануды қамтиды. Ұсынылған жүйені іске асыру шикізатты қайта өңдеу тереңдігін арттыруға, болжамдық аналитика арқылы жабдықтың тоқтап қалуын азайтуға, еңбек өнімділігін жоғарылатуға және энергия мен жөндеу шығындарын қысқартуға мүмкіндік береді. Зерттеу нәтижелері көрсеткендей, инновацияларды басқарудың цифрлық құралдарын енгізу компанияға стратегиялық артықшылық береді, басқарушылық шешімдерді қабылдау процесін жылдамдатады, үдерістердің ашықтығын және өндірістік қауіпсіздік деңгейін арттырады.
