XXI ғасырдағы тілдік педагогиканы қайта пайымдау: жасанды интеллект дәуіріндегі сыни ойлау
DOI:
https://doi.org/10.54251/2522-4026.2026.1.8auКілт сөздер:
Шетел тілін оқыту педагогикасы; сыни ойлауды дамыту; білім берудегі жасанды интеллект; жоғары білім; заманауи оқыту тәсілдері; тілдік құзыреттілікАңдатпа
Бұл мақалада XXI ғасыр талаптарына сай шет тілдерін оқыту жүйесін жаңғыртудың өзекті бағыттарының бірі – сын тұрғысынан ойлауды қалыптастыру мен жасанды интеллектке негізделген оқыту технологияларын педагогикалық үдерісте тиімді үйлестіру мәселесі кешенді түрде зерделенді. Зерттеу аясында дәстүрлі тіл үйрету тәсілдері мен AI-құралдар арқылы жүзеге асатын инновациялық оқыту модельдерінің теориялық және тәжірибелік әлеуеті салыстырмалы талдаудан өтті.
Эксперименттік жұмыс Мұхтар Әуезов атындағы Оңтүстік Қазақстан мемлекеттік университетінің филология факультетінде білім алатын студенттер арасында жүргізіліп, жасанды интеллектке негізделген оқыту құралдарын жүйелі қолдану білім алушылардың тілдік құзыреттілігін арттырумен қатар, олардың танымдық белсенділігін, рефлексиялық қабілетін және сын тұрғысынан ойлау дағдыларын елеулі деңгейде жетілдіретінін дәлелдеді.
Зерттеу нәтижелері қазіргі шет тілдерін оқыту үдерісінде тұлғаға бағытталған, интерактивті және технологиялық тұрғыдан байытылған педагогикалық тәсілдердің басымдылығын айқындайды. Сын тұрғысынан ойлау мен жасанды интеллекттің өзара ықпалдасуы студенттердің дербес білім алу қабілетін нығайтып, оқу уәждемесін күшейтеді және тілдік білімді саналы әрі шығармашылық тұрғыда меңгеруге мүмкіндік береді. Қорытындылай келе, мақалада ұсынылған ғылыми тұжырымдар мен тәжірибелік нәтижелер жоғары оқу орындарындағы шет тілдерін оқыту тәжірибесін жетілдіруге және заманауи білім беру кеңістігінде кеңінен қолдануға негіз бола алады.
